Bruno Paillard

Kampavínshúsið  BRUNO PAILLARD varð til af  löngun stofnanda þess til að búa til kampavín sem er öðruvísi en önnur; einstaklega hreint.

Gott kampavín fyrir BRUNO PAILLARD er – umfram allt – „samsetning“, blanda: af fjölbreyttum “crus” (Görðum)  Þrúgum og árgöngum. Það snýst um stöðuga löngun til að fanga hinn ómissandi fínleika og glæsileika sem kampavín getur fært þegar það er borið fram af ást og umhyggju.

BRUNO PAILLARD stíllinn er sambland glæsileika og margbreytileika sem birtist sem freyðandi, létt og mjúkt, ótrúlega tært, sannur ferskleiki og silkimjúk áferð.

Freyðingin  þarf að vera fínleg. Bólurnar örsmáar, næstum ósýnilegar, en samt að losa ilm vínsins og gefa því slétta og rjómakennda áferð í munni.

Liturinn þarf að vera alveg náttúrulegur. Það er bjart: grænt gullið fyrir Blanc de Blancs, gullið fyrir Première Cuvée og kopar fyrir Rosé. Litur árganganna verður dýpri og næstum gulbrúnn eftir nokkra áratugi. 

Ilmurinn þarf að vera einstaklega hreinn og beinn: Blæbrigði af sítrusávöxtum og möndlum úr Chardonnay; Rauðir ávextir frá Pinot Noir; og framandi ávextir frá Pinot Meunier. Með því að nota aðeins fyrstu pressun þrúganna er tryggt að tærasti ilmurinn er dreginn fram. 

Ferskleikinn þarf að vera til staðar en ekki yfirþyrmandi. Hátt sýrustig, samt er vínið ekki súrt á bragðið.  Aðeins lágmarks auka sykri er bætt við („dosage“). 

Fjölbreytileikanum í bragði má ekki rugla saman við þyngd; heldur snýst hann meira um glæsileika. Jafnvægið og dýpt vínanna er það sem gefur þeim hreinleika þeirra. Fjölbreytt bragðið opnar sig fyrir þeim sem taka sér tíma til að uppgötva, og kemur betur í ljós þegar Bruno Paillard kampavínið eldist.